ఇథనాల్ మిశ్రమ పెట్రోల్ లక్ష్యంపై ఎల్నినో ప్రభావం.. కేంద్రం కీలక నిర్ణయం

భారత్ తన ఇంధన అవసరాల కోసం విదేశాల నుంచి ముడి చమురు దిగుమతులపై ఆధారపడటాన్ని తగ్గించుకునేందుకు కేంద్ర ప్రభుత్వం ఇథనాల్ మిశ్రమ కార్యక్రమాన్ని ప్రోత్సహిస్తోంది. ఈ క్రమంలో పెట్రోల్లో 20 శాతం ఇథనాల్ కలపాలనే 20 లక్ష్యాన్ని నిర్ణయించింది. అయితే ఈ ఏడాది వాతావరణ పరిస్థితులు ఆ లక్ష్యానికి అడ్డంకిగా మారుతున్నాయి.

రాయిటర్స్ నివేదిక ప్రకారం, ఈ ఏడాది ఎల్నినో ప్రభావంతో దేశంలో సాధారణం కంటే దాదాపు 13 శాతం తక్కువ వర్షపాతం నమోదైంది. దీంతో మొక్కజొన్న, చెరకు పంటల దిగుబడిపై ప్రభావం పడింది. మొక్కజొన్న, చక్కెర ధరలు సుమారు 40 శాతం పెరిగి రికార్డు స్థాయికి చేరగా, బియ్యం ధరలు కూడా 20 శాతం పెరిగాయి.

ఈ పరిస్థితుల్లో ఆహార భద్రతకు ప్రాధాన్యం ఇస్తూ, కేంద్రం ఇథనాల్ తయారీకి చక్కెర ఆధారిత ముడిసరుకులను కొనుగోలు చేయవద్దని చమురు సంస్థలకు సూచించినట్లు నివేదిక వెల్లడించింది. మొక్కజొన్న ఆధారిత ఇథనాల్ కొనుగోలు ధరను కూడా లీటరుకు రూ.71.86 నుంచి రూ.68.86కు తగ్గించింది.

మరోవైపు, ఇథనాల్ ఉత్పత్తి కోసం గతంలో భారీగా పెట్టుబడులు పెట్టిన డిస్టిలరీ సంస్థలు కూడా ఇబ్బందులు ఎదుర్కొనే అవకాశం ఉంది. దేశంలో ఇథనాల్ ఉత్పత్తి సామర్థ్యం ఏడాదికి సుమారు 20 బిలియన్ లీటర్లకు చేరినప్పటికీ, ముడిసరుకుల కొరత కారణంగా ఆ సామర్థ్యాన్ని పూర్తిస్థాయిలో వినియోగించుకోలేని పరిస్థితి ఏర్పడవచ్చు.

ఇథనాల్ మిశ్రమం తగ్గితే, విదేశాల నుంచి ముడి చమురు దిగుమతులపై భారత్ ఆధారపడటం మళ్లీ పెరిగే అవకాశం ఉంది. అయితే, ఆహార ధాన్యాల ధరలు, ప్రజలపై ద్రవ్యోల్బణ భారం దృష్ట్యా ఆహార అవసరాలకు ప్రాధాన్యం ఇవ్వాల్సిన పరిస్థితి ఏర్పడిందని నిపుణులు అభిప్రాయపడుతున్నారు.

భారతదేశంలో పెట్రోల్తో ఇథనాల్ను కలిపే కార్యక్రమానికి ఈ ఏడాది ఎదురుదెబ్బ తగిలే అవకాశాలున్నాయి. ఎల్నినో ప్రభావంతో రుతుపవన వర్షపాతం తగ్గడం, మొక్కజొన్న, చెరకు పంటల దిగుబడి దెబ్బతినడంతో ఇంధన ఉత్పత్తికి అవసరమైన ముడిసరుకుల కొరత ఏర్పడుతోంది. దీంతో పెట్రోల్లో ఇథనాల్ మిశ్రమాన్ని ప్రస్తుత 20 శాతం లక్ష్యం నుంచి 1517 శాతానికి తగ్గించే పరిస్థితి రావచ్చని పరిశ్రమ వర్గాలు అంచనా వేస్తున్నాయి.