అంతర్జాతీయ మహిళా దినోత్సవాన్ని పురస్కరించుకుని మణుగూరులో ఆదివారం పలు కార్యక్రమాలు జరిగాయి. స్థానిక విలేకరులు రేణుక అక్షర మహిళా మండలి సభ్యులను ఘనంగా సన్మానించారు.
మహిళలు అన్ని రంగాల్లో రాణిస్తున్నారని, రాజకీయ, ప్రభుత్వ, ప్రైవేట్ రంగాలతో పాటు సేవా కార్యక్రమాలలోనూ ముందున్నారని జర్నలిస్టులు ఈ సందర్భంగా పేర్కొన్నారు. సమాజ అభివృద్ధిలో మహిళల భాగస్వామ్యం ఎంతో కీలకమని వారు తెలిపారు.
ఈ సన్మాన కార్యక్రమం మహిళా సాధికారతను ప్రోత్సహించే దిశగా నిర్వహించబడింది. రేణుక అక్షర మహిళా మండలి సభ్యులు ఈ గౌరవాన్ని స్వీకరించి, భవిష్యత్తులోనూ సమాజానికి సేవ చేస్తామని తెలిపారు.
ఈ కార్యక్రమంలో రేణుక అక్షర మహిళా మండలి సభ్యులైన ఎండి షబానా, కోరి శ్యామల, కన్నాపురం వసంత, డేరంగుల సుజాత, రెడ్డిబోయిన రేణుక, కన్నాపురం శైలజ, నాగేశ్వరమ్మ, స్వరూప, సౌజన్య, డాకూరి పాల్గొన్నారు. మహిళలందరూ ధైర్యంగా ముందుకు సాగాలని పిలుపునిచ్చారు.
