రాజకీయ ప్రభంజనం: రాప్తాడు ఘటన నిందితుడు హేమంత్ ఆరోగ్యం విషమం, కాళ్లు తొలగించే యోచనలో వైద్యులు

వివరాల్లోకి వెళ్తే, అనంతపురం జిల్లా మండలంలోని జెడ్పీ ఉన్నత పాఠశాలలో పదో తరగతి చదువుతున్న విద్యార్థిని గోపికపై న హేమంత్ ఎలక్ట్రిక్ రంపంతో దాడి చేశాడు. తరగతి గదిలోకి చొరబడి బాలిక ముఖం, తల, వీపు భాగాల్లో విచక్షణారహితంగా దాడికి పాల్పడ్డాడు. స్నేహితురాలిని కాపాడేందుకు ప్రయత్నించిన మరో విద్యార్థిని లక్ష్మిపైనా దాడి చేయడంతో ఆమె రెండు కాళ్లకు తీవ్ర గాయాలయ్యాయి. అనంతరం నిందితుడు అక్కడి నుంచి పరారయ్యాడు.

పోలీసులపై కత్తితో దాడి యత్నం

నిందితుడి కోసం పోలీసులు ప్రత్యేక బృందాలతో గాలింపు చేపట్టారు. ఆదివారం ఆత్మకూరు అటవీ ప్రాంతంలో హేమంత్ ఉన్నట్లు సమాచారం అందడంతో పోలీసులు అక్కడికి చేరుకున్నారు. ఈ క్రమంలో అతడు పోలీసుల నుంచి తప్పించుకునేందుకు ప్రయత్నించడమే కాకుండా సీఐ వెంకటేశ్వర్లుపై కత్తితో దాడి చేసినట్లు పోలీసులు తెలిపారు. ఈ దాడిలో సీఐ చేతికి గాయాలయ్యాయి.

దీంతో ఆత్మరక్షణ కోసం పోలీసులు కాల్పులు జరిపారు. మొత్తం ఆరు రౌండ్లు కాల్పులు జరపడంతో హేమంత్ తీవ్రంగా గాయపడ్డాడు. వెంటనే అతడిని అనంతపురం ప్రభుత్వ ఆసుపత్రికి తరలించి చికిత్స అందిస్తున్నారు.

నాలుగు యూనిట్ల రక్తం ఎక్కింపు

పోలీసుల కాల్పుల్లో హేమంత్ కాళ్లకు బుల్లెట్లు తగిలినట్లు సమాచారం. అతడి శరీరంలోకి మూడు బుల్లెట్లు దిగినట్లు వార్తలు వెలువడ్డాయి. తీవ్ర రక్తస్రావం కావడంతో వైద్యులు నాలుగు యూనిట్ల రక్తం ఎక్కిసినట్లు తెలుస్తోంది. ప్రస్తుతం ఆక్సిజన్ అందిస్తూ వైద్యులు పర్యవేక్షిస్తున్నారు.

అతడి కాళ్లకు తీవ్ర గాయాలు కావడంతో వాటిని తొలగించాల్సి వస్తుందా అనే అంశాన్ని వైద్యులు పరిశీలిస్తున్నట్లు సమాచారం. స్కానింగ్ నివేదికలు, గాయాల తీవ్రతను బట్టి తదుపరి చికిత్సపై నిర్ణయం తీసుకోనున్నారు. అయితే రెండు కాళ్లను తొలగిస్తారా లేదా అన్నదానిపై అధికారిక వైద్య ప్రకటన వెలువడాల్సి ఉంది.

మరోవైపు ఈ ఘటనలో తీవ్రంగా గాయపడిన గోపికకు బెంగళూరులోని మణిపాల్ ఆసుపత్రిలో చికిత్స అందిస్తున్నారు. ఆమెకు వైద్యులు శస్త్రచికిత్సలు నిర్వహించారు. మరో విద్యార్థిని లక్ష్మికి కూడా చికిత్స కొనసాగుతోంది.