మానుగూరు, జూలై 22
లోక్సభ ప్రతిపక్ష నాయకుడు రాహుల్ గాంధీ, ఎంపీ ప్రియాంక గాంధీల అరెస్టులను నిరసిస్తూ భద్రాద్రి కొత్తగూడెం జిల్లా మణుగూరులో కాంగ్రెస్ పార్టీ ఆధ్వర్యంలో బుధవారం భారీ రాస్తారోకో, ధర్నా కార్యక్రమం జరిగింది. కేంద్ర ప్రభుత్వానికి వ్యతిరేకంగా నినాదాలు చేస్తూ నాయకులు, కార్యకర్తలు పెద్ద సంఖ్యలో ఈ నిరసనలో పాల్గొన్నారు.
లోక్సభ ప్రతిపక్ష నాయకుడు రాహుల్ గాంధీ, ఎంపీ ప్రియాంక గాంధీల అరెస్టులను ఖండిస్తూ భద్రాద్రి కొత్తగూడెం జిల్లా మణుగూరులో కాంగ్రెస్ పార్టీ ఆధ్వర్యంలో బుధవారం భారీ రాస్తారోకో, ధర్నా కార్యక్రమం నిర్వహించారు. అంబేద్కర్ సెంటర్లో జరిగిన ఈ నిరసన కార్యక్రమంలో కాంగ్రెస్ నాయకులు, కార్యకర్తలు పెద్ద సంఖ్యలో పాల్గొని కేంద్ర ప్రభుత్వానికి వ్యతిరేకంగా నినాదాలు చేశారు.
ఏఐసీసీ ఆదేశాలు, టీపీసీసీ అధ్యక్షుడు మహేష్ కుమార్ గౌడ్ పిలుపు, జిల్లా కాంగ్రెస్ అధ్యక్షురాలు తోట దేవి ప్రసన్న, పినపాక ఎమ్మెల్యే పాయం వెంకటేశ్వర్లు ఆదేశాల మేరకు మండల కాంగ్రెస్ అధ్యక్షుడు పిరినాకి నవీన్, టౌన్ కాంగ్రెస్ అధ్యక్షుడు కూరం రవి ఆధ్వర్యంలో ఈ కార్యక్రమం చేపట్టారు.
ఈ సందర్భంగా కాంగ్రెస్ నాయకులు మాట్లాడుతూ, నీట్ పరీక్ష పేపర్ లీక్ ఘటనపై ఢిల్లీలోని జంతర్ మంతర్ వద్ద నిరసన వ్యక్తం చేస్తున్న విద్యార్థులకు సంఘీభావం తెలిపిన రాహుల్ గాంధీ, ప్రియాంక గాంధీలను అరెస్టు చేయడం ప్రజాస్వామ్య విరుద్ధ చర్య అని విమర్శించారు. రాజకీయ కక్షసాధింపు ధోరణితో ప్రతిపక్ష నాయకులను లక్ష్యంగా చేసుకోవడం రాజ్యాంగ స్ఫూర్తికి విరుద్ధమని ఆరోపించారు.
ప్రజాస్వామ్యాన్ని పరిరక్షించడం కేంద్ర ప్రభుత్వ బాధ్యత అని, ప్రజల గొంతును అణచివేసే ప్రయత్నాలను దేశ ప్రజలు సహించబోరని పేర్కొన్నారు. కేంద్ర ప్రభుత్వం నిరంకుశ వైఖరిని విడనాడాలని, ప్రజాస్వామ్య విలువలను గౌరవించాలని డిమాండ్ చేశారు. అలాగే ప్రధానమంత్రి నరేంద్ర మోదీ నైతిక బాధ్యత వహిస్తూ రాజీనామా చేయాలని నిరసనకారులు డిమాండ్ చేశారు.
కార్యక్రమంలో యూత్ కాంగ్రెస్ నియోజకవర్గ అధ్యక్షుడు సూరపురెడ్డి తరుణ్ రెడ్డి, ఎన్ఎస్యూఐ కార్యదర్శి ఆరిఫ్ పాషా, మైనారిటీ సెల్ మండల అధ్యక్షుడు ఎండి రహీం భాషా, మహిళా కాంగ్రెస్ మండల అధ్యక్షురాలు కూరపాటి సౌజన్య, ఎస్సీ సెల్ టౌన్ అధ్యక్షుడు పొడుతూరి రవి, సర్పంచులు కలబోయిన మాధవరావు, పూనెం రమేష్, మడకం రామకృష్ణ, జగిడి ప్రసాద్, ఉపసర్పంచ్ గాండ్ల సురేష్, కొమరం మహేష్తో పాటు కాంగ్రెస్ పార్టీ నాయకులు, మహిళా నాయకులు, అనుబంధ సంఘాల ప్రతినిధులు, కార్యకర్తలు పాల్గొన్నారు.
