భద్రాద్రి కొత్తగూడెం జిల్లా, మణుగూరు మండలంలో పినపాక నియోజకవర్గ శాసనసభ్యులు పాయం వెంకటేశ్వర్లు సమక్షంలో పలువురు బీఆర్ఎస్ నాయకులు కాంగ్రెస్ పార్టీలో చేరారు. ఈ పరిణామం స్థానిక రాజకీయాల్లో ప్రాధాన్యత సంతరించుకుంది.
పినపాక నియోజకవర్గ శాసనసభ్యులు పాయం వెంకటేశ్వర్లు ఆధ్వర్యంలో జరిగిన కార్యక్రమంలో, లింగగూడెం పంచాయితీకి చెందిన 3వ వార్డు సభ్యులు కుంజ రామస్వామి, బీఆర్ఎస్ నాయకులు కల్తీ రామకృష్ణ దొర, కల్తీ ఆదినారాయణ, కుంజ శ్రీను, కుంజ క్రిష్ణయ్య, ఇర్ప వీరస్వామి తదితరులు కాంగ్రెస్ పార్టీలో చేరారు. వారికి ఎమ్మెల్యే పార్టీ కండువాలు కప్పి స్వాగతం పలికారు.
ఎమ్మెల్యే పాయం వెంకటేశ్వర్లు మాట్లాడుతూ, ప్రజల ఆశయాలను నెరవేర్చడానికి కాంగ్రెస్ పార్టీ సరైన వేదిక అని, ఈ చేరికలతో పినపాక నియోజకవర్గంలో పార్టీ మరింత బలోపేతం అవుతుందని తెలిపారు. కార్యకర్తలు, నాయకుల సమష్టి కృషితో పార్టీ మరింత ముందుకు సాగుతుందని ఆయన ఆశాభావం వ్యక్తం చేశారు.
ఈ కార్యక్రమంలో జిల్లా వైస్ ప్రెసిడెంట్ పొంబోయిన ముత్తయ్య, జిల్లా కార్యదర్శి SK.ఖదీర్, AMC డైరెక్టర్ ఊకే బుచ్చయ్య, యూత్ కాంగ్రెస్ మండల అధ్యక్షులు దార అశోక్, మాజీ ఎంపీపీ చాట్ల పద్మ, పదుగోనిగూడెం గ్రామ సర్పంచ్ ఈసం సంజీవరావు, మండల నాయకులు జోగ రమేష్, SK ఖాసీం, SK ఇస్రార్, బొంగు చంద్రశేఖర్, సోషల్ మీడియా నాయకులు మండలోజు కిరణ్ నాయకులు తదితరులు పాల్గొన్నారు. ఈ చేరికలు రాబోయే ఎన్నికల నేపథ్యంలో ప్రాధాన్యత సంతరించుకున్నాయి.
